Juan Karlos Labajo, magapatigayon sang labing una nga major concert sa Nobyembre 29

Natalana nga magpatigayon sang iya labing-una nga major concert subong nga tuig si Juan Karlos Labajo.

Sa social media account sini, iya gin-anunsyar ang nasambit nga concert nga patigayunon sa Nobyembre 29 sa SM Mall of Asia Arena sa ciudad sang Pasay.

Nagdangat sa P8,500 ang presyo sang pinakamahal nga ticket samtang ang general admission ang yara sa P750.

May yara sang kahigayunan nga makaupod sang nakabakal sang SVIP tickets ang singer actor kag makakuha sila sang mga exclusive merchandise.

Magaumpisa ang pagbaligya sang tickets sa maabot nga Setyembre 13.

Sang nakaligad nga tuig, nagpatok ang kanta sini nga “Ere” kun sa diin ini ang naging number 2 sa pila ka mga music streaming.