Ginarequire sang Supreme Court En Banc ang Senate Committee on Women, Children, Family Relations, and Gender Equality nga maghatag sang komento natuhoy sa petisyon nga ginfile ni suspended Bamban Mayor Alice Guo nga nagahingyo sa korte nga i-nullify ang isa ka subpoena nga gin-issue sang Senado batok sa iya.
Suno kay High Court spokesperson Atty. Camille Ting, ginrequire sang korte ang respondent Senate committee nga magfile sang komento sini natuhoy sa petisyon sa sulod sang napulo ka adlaw humalin sang gin-issue ang notice.
Sang tinalikdan nga semana, nagfile sang petition si Mayor Alice Guo batok sa komitiba ni Senator Risa Hontiveros kag naghingyo nga i-annul ang Subpoena Ad Testificandum nga gin-issue sang committee batok sa iya may kaangtanan sa imbestigasyon sini sa raided POGO hub sa iya munisipalidad.
Naghingyo man ini nga manduan sang korte ang komitiba nga pauntaton ini sa pag-imbita sa iya bilang resource person.
