Kapin 600 pa ka mga public schools sang Miyerkules ang wala nakabukas sang klase bangud sa impact sang Typhoon Carina kag habagat suno sa Education Secretary Sonny Angara.
Kalabanan sa nasambit nga mga buluthuan ukon kapin 356 ang yara sa Central Luzon samtang 171 naman ang yara sa Metro Manila, 86 ang ara sa Ilocos Region kag 60 sa Calabarzon.
Suno kay Angara, nagnubo na sa 600 ka mga buluthuan nagikan sa initial sang Lunes nga nagdangat sa masobra 1,000 ka buluthuan ang kanselado sa gihapon ang klase.
Suno diri, ini ang 99 porsyento na kag isa ka porsyento na lamang ang 600 nga wala pa nagbukas sang klase.
Suno sa DepEd, kapin 47,000 ka mga public schools sa bilog nga pungsod ang dapat nagbukas na sang klase sang Hulyo 29, 2024.
Apang pila ka mga buluthuan ang nagkalaguba bangud sa bagyo kag habagat samtang ang iban ang ginagamit naman bilang evacuation centers.
