Kapin 6,000 ka mga illegal power service connection, nadiskubrehan sa franchise area sang CENECO

Kapin sa 6,000 ka mga illegal power service connection ang nadiskubrehan sa idalum sang franchise area sang Central Negros Electric Cooperative.

Suno kay Negros Electric and Power Corporation President Roel Castro, ila na-trace ang 178,000 meters nga illegal connection kag 80,000 meters naman ang wala sang official seal.

Suno diri, kapin sa 6,000 tanan ang may illegal connections.

Pagpa-athag sini nga ang nagasalo sang ila nga ginakawat nga kuryente amo ang kunsomedor nga nagabayad sang insakto.

Luyag lamang sini nga mangin patas sa tanan kag mapatuman ang ila commitment sa insakto nga paagi.