Kapulisan sa ciudad sang Bacolod handa na para sa pag-obserbar sang Palm Sunday

Nagpasalig ang station commander sang Bacolod City Police Station 1 nga handa ang kapulisan sa paghatag sang seguridad sa karun nga selebrasyon sang Domingo de Ramos.

Sa interview sang Bombo Radyo Bacolod kay Police Captain Francis Depasucat, may yara na sang gin-augment nga police kag forcce multiplier nga ginhamtang sa mga strategic areas kaangay sa simbahan, sa mga malls, kag sa plaza.

Suno diri, na-anticipate na sang kapulisan kada tuig ang pagselebrar sang Palm Sunday kag sila preparado sa tanan nga oras sa pagsecure sa mga tawo.

Apang, pangabay ni Depasucat nga isecure gid ang balay antes bayaan kag magulu-aligmat sa palibot bangod kun madamo sang tawo, ini ang kabigon nga oportunidad sang iban agud maghimo sang indi insakto.