Ginkumpirmar sang hepe sang Murcia Municipal Police Station nga napasaka na ang kaso batok sa suspek nga nakuhaan sang balor P6.8 million nga shabu matapos naaksidente sa Purok Bomba, Barangay Salvacion, Murcia.
Nagapangatubang na sang kaso nga paglapas sa Section 11 Article 2 sang RA 9165 ukon Comprehensive Dangerous Drugs Act of 2002 si Carl John Arroyo.
Si Arroyo, 29 anyos, single, ang natumod nga residente sang Purok 42 Bayanihan, Barangay Villamonte, Bacolod City.
Sa interview sang Bombo Radyo Bacolod kay Police Major Sherwin Fernandez, hepe sang Murcia Municipal Police Station, natigayon nga mafile sa prosecutors office sa ciudad sang Bacolod ang kaso batok kay Arroyo.
Kahapon, ginpahayag ni Fernandez nga positibo nga shabu ang nakuha sa possession sang suspect santo sa resulta sang test sang crime laboratory.
Aminado ang hepe nga ginkakibot nila ang recoveries bangod sila ang nagresponder lamang sa traffic accident.
Madumduman nga nagabyahe gikan sa San Carlos City padulong sa Bacolod, aksidente nga nabungguan ni Arroyo dala ang iya motorsiklo ang isa ka kotse.
Apang sa pagka-aksidente, isa ka pack sang tunga sa kilo nga shabu ang nag-awas kag nagtupa malapit sa bumper sa likod sang kotse.
Ini man ang rasun kun ngaa kaangay nga nagapanic ang suspect sang sila ang maka-abot sa lugar sang aksidente.
Sa sulod sang bag ni Arroyo, nakuha ang isa pa ka putos sang tunga sa kilo nga shabu.
Nakahunong sa karun si Arroyo sa Murcia Municipal Police Station.
