Nagdangat na sa 4,400 ang kaso sang dengue sa probinsya sang Negros Occidental as of September 28.
Ini ang nagsaka sang 272.57 percent ukon 3,219 ka mga kaso kun ipaanggid sa 1,181 sa pareho nga tion sang tinalikdan nga tuig.
Napulo ka mga Local Government Units sa probinsya ang nakarecord sa may pinakamataas nga kaso sang dengue.
Nagapanguna diri ang Bago City nga may 437; ginasundan sang Hinobaan nga may 345; San Carlos City nga may 324; Kabankalan nga may 289; Talisay City nga may 283; Sagay City nga 282; Sipalay City 263; Cadiz City 250; Silay City nga may 244 kag Cauayan nga may 217.
Suno kay Negros Occidental Provincial Health Officer Girlie Pinongan, nagdangat na sa 13 ang napatay bangud sa dengue sa Negros Occidental matapos nga tatlo pa ka mga kabataan ang nagdugang sa casualties.
Suno kay Pinongan, kalabanan sang natapikan sang dengue ang nagaedad sang isa tubtob napulo ka tuig.
Suno diri, pila sa mga ini ang natapikan sang balatian sa ila mga eskwelahan.
Dugang pa sang health officer nga dapat ipabilin ang matinlo nga palibot agud wala sang pangitlugan ang lamok nga nagadala sang balatian nga dengue.
