Kun kalabanan sa mga kompanya wala ginapahanugotan nga mag-inom sang makahulobog nga ilimnon ang empleyado samtang naga-trabaho, sa Japan naman ginahatagan sang libre nga alcoholic drinks ang empleyado kag sila ang mahimo makafile sang hangover leaves.
Iban sa mga kooperasyon sa Japan nag-anunsyar sang plano nga pasakaan ang sweldo agud maka-ingganyo sang pamatan-on nga empleyado, apang ang magagmay kag medium-sized nga kompanya ang indi maka-offer sini bangod nga gamay ang ila budget.
Agud makakompetensya sa iban, isa ka gamay nga technology company sa Osaka ang nagviral sa pag-offer sang libre nga makahulobog nga ilimnon kag nagahatag sang hangover leaves tubtob nga may kasarang na sila magbalik sa trabaho.
Suno sa isa ka babayi nga empleyado, bangod sa hangover leave, makatulog pa ini sang duha tubtotb tatlo ka oras antes magbalik obra agud maklaro sini ang iya paminsaron kag magtrabaho sang epektibo.
Suno sa CEO sang kompanya, indi sila makasarang magbayad sa ila empleyado sang mas dako nga sweldo amo nga nag-offer sila sang isa ka butang nga mas maka-ingganyo sa tawo.
