Patay ang isa lalaki matapos gintiro sa Purok Golden Rosary, Barangay Cansalungon, Isabela, Negros Occidental
Ang biktima ang isa ka 22 anyos kag residente sang nasambit nga lugar.
Sa interview sang Bombo Radyo kay Police Major Ellendie Rebusquillo., Chief of Police sang Isabela Municipal Police Station, sa inisyal nga imbestigasyon sang mga kapulisan, ang biktima ang nakainum sang makahulubog nga ilimnon kag nagkadto sa iya mga katiyuan samtang nagadala sang patalom nga 18 inches ang kalabaon.
Bangud sini, gintawgan sang Barangay Tanod sa Barangay Cansalungon sa nasambit nga banwa.
Nagresponde man ang Barangay Tanod kag ginhambalan nga ibuy-an ang dala nga patalom apang wala namati ang biktima.
Apang ang 22 anyos ang wala nagpamati sabaylo nagpalapit pa ini Barangay Tanod samtang dala ang patalom.
Bangud sini, gintiro sang Barangay Tanod ang biktima kag na-igo sa dughan kun sa diin gintunaan sang kamatayon sini.
Sa karun padayon ang hot pursuit operation sa Barangay Tanod nga nagtiro sang biktima matapos nga magpalagyo kag nagapadayon naman ang imbestigasyon sang mga kapulisan sa nasambit nga banwa.
Ang biktima ang ginapahayag nga madamo naman sang record sa barangay kag pasaway sa ila nga lugar.
