-- ADVERTISEMENT --
BACOLOD CITY – Patay ang 34-anyos nga lalaki matapos makabunggo sa gutter ang ginadala nga motorsiklo sa highway nga nasakpan sang Barangay Tangub ciudad sang Bacolod pasado las-5:00 sini nga aga.
Paagi sa iya sini ID, nakilala ang biktima kay Roger Domider Cines, sang Barangay Vista Alegre, banwa sang Ilog.
Ginapatihan nadula-an sang kontrol ang biktima bangud sa madasig nga pagpadalagan sang motorsiklo rason nga nagbaliskad ini kag nagdasok naman sa isa ka waiting shed sa higad sang highway.
Dugu-on ang biktima sang gin-responderan apang wala na ini sang kabuhi.
Ginapatihan nga ini ang naghalin pa sa Sur kag nagbiyahe padulong sa norte nga bahin sang probinsya.
-- ADVERTISEMENT --
