Lima ka mag-utod nga babayi sa Sipalay, ginaalegar ginhimuslan sang ila amay

Nagpalapit sa Sipalay City Police Station ang mag-utod nga biktima nga gina-alegar ginhimuslan sang ila amay para mangayo sang bulig.

Nahibaluan nga lima ka mag-utod ang gina-alegar nga ginhimuslan sang ila nga amay sa sulod sang 15 tubtob 20 na ka tuig.

Ang pinakamagulang nga bata ang naga-edad pa lamang sadto sang 12 anyos sang ini gintandog sang iya amay tubtob nga nakapamana ini.

Wala naman nahimo sang mga biktima nga gilayon nga manugid bangod sa kahadlok.

Sa interview sang Bombo Radyo kay Police Lt Col Fernando Somblingo, acting chief of police sang Sipalay City Police Station, ginatrabaho na ang mga papeles para mapaagi sa proper proceedings ang pag-aresto sa suspek.