Magadeploy ang Metropolitan Manila Development Authority (MMDA) sang masobra isa ka libo nga mga personnel para sa ikatlo nga
State of the Nation Address (SONA) ni President Ferdinand Marcos Jr sa July 22, 2024 sa Batasang Pambansa sa Quezon City.
Suno kay MMDA Traffic Operations Officer Manny Miro, sila ang nakatoka sa traffic management mga salakyan, pedestrians, kag magabaserbe bilang emergency respondents sa adlaw nga patigayunon ang SONA.
Dugang pa sini nga ang mga MMDA personnel ang magapatigayon sang road kag sidewalk clearing kag motor traffic sa mga highway malapit sa Batasan.
Una na nga nagmando ang presidente sa House of Representatives nga akomodaron ang tanan nga luyag nga magtambong sa SONA.
Samtang para naman sa seguridad, nakalock down ang Batasan Pambansa humalin sang Huyo 19, Biyernes, antes ang SONA.
Iga-anunsyar man ang Road closure inadlaw antes ang event.
Suno kay Miro, wala pa sang road closure sa karun.
Una naman nga nagpahayag ang Philippine National Police (PNP) nga magadeploy ini sang 22,000 police personnel sa tion sang SONA.
Ipatuman naman ang nationwide gun ban,, July 22, adlaw sang SONA.
