Madre, nagserbe nga traffic aid sa Manila

Nagasunod ka bala sa nagakadapat nga batas trapiko?

Kun wala, masunod ka ayhan kun makita mo nga ang nagaderiher sang trapiko ang isa ka madre?.

Ginkalingaw sang mga driver ang isa ka madre nga nakuhaan sang video samtang nagamando sa mga driver sa dalagan sang trapiko.

Makita sa video nga gin-upload nanday Francis kag Christle Samonte nga si Sister Constance Tecson sa dalan sang Vito Cruz sa Manila, amo ang nagaderiher sang trapiko samtang wala ang traffic enforcer nga naka-duty.

Naglahog naman ang iban nga netizens nga basi makakuha sang “minus points” sa langit ang indi magsunod sa signal ni Sister Tecson.

Ang video sa social media ang nakahakot na sang 3 million views.