Kumpyansa ang Makabayan Bloc nga matigayon ang ikaduha nga impeachment complaint nga ila gin-file sang Huwebes (Enero 22) batok kay President Ferinand Marcos Jr.
Sa interview sang Bombo Radyo kay Former Baya Muna Representative Atty Neri Colminares, kumpyansa sila nga ila nga impeachment compaint nga ginfile nga matigayon bangud mabaskog ang ila nga mga kaupdanan.
Suno kay Colmenares, ang pagfile sang ikaduha nga complaint ang mangin sabat sa gina-alegar nga kurapsyon batok sa presidente.
Dugang pa sini, ang dokumento nga ginfile sang Makabayan Bloc ang opisyal nga ginbaton sang House of Representatives.
Suno diri, indi matuod nga wala ginbaton sang House of the Representatives ang amo nga impeachment complaint bangud suno diri wala sa rule nga kinahanglan ang nga mismo ang Office of the Secretary General (OSG) ang magbaton sini.
Paathag sini nga kun wala ang OSG may ara gid dapat sang substituted service nga magbaton sa gina-file nga impeachment complaint.
Gani ginalauman sini nga ini ang talakayon sa Kongreso sa Lunes.
Suno kay Colmenares, kun indi man gid ma-prosper ang amo nga impeachment complaint, madamo sagihapon sila sang pamaagi agud nga mapabutyag kag mabatian ang pumuluyong Pilipino ang ila nga katungdanan sa ila nga panawagan batok sa presidente.
