Madamo man bala sang lamok sa inyo mga panimalay?
Ano ayhan nga mga pamaagi ang inyo nga ginahimo agud ini ang matapna?
Kadungan sa pagtaas sang kaso sang dengue, pila ka mga local government units ang nagahimo man sang paagi agud masolusyonan ang problema sa lamok.
Kaangay lamang sang isa ka barangay sa Mandaluyong City nga nagatanyag sang P1 nga reward sa kada lamok ukon pitik-pitik nga madakpan ukon mapatay sang mga residente bilang sabat sa nagasaka nga kaso sang dengue.
Samtang nagapati naman ang mga opisyal sang Barangay Matandang Balara, Quezon City nga dako man ang mabulig sang mga paka agud nga mabuhinan ang mga lamok sa ila nga lugar.
Suno pahayag sang mga barangay officials nga magabuya sila sang mga paka kasunod sang deklarasyon sang outbreak sang makamamatay nga balatian.
Suno kay Margaret Lipata, secretary sang barangay, nga napamatud-an na nila sa ila komunidad nga makabulig ang mga paka paagi sa pagkaon sang mga ini sang lamok nga nagadala sang dengue.
Suno diri, ginabuy-an nila ang mga paka sa mga creek kag mga drainage nga mahimo ginatiniran sang mga lamok.
