Ginkumpirmar ni Boxing legend Manny Pacquiao nga posible liwat matabo ang pag-atubangay nila ni Floyd Mayweather Jr. sa sulod sang ring.
Interesado ang former eight-division world champion nga makasumpong sa liwat si Mayweather matapos ang 11 ka tuig sang ginpatigayon ang ila una nga match.
May yara na sang mga report nga ginatrabaho na ang rematch sa tunga nanday Pacquiao kag Mayweather apang ginklaro ni Pacquiao nga wala pa sang konkreto nga desisyon kun sin-o ang iya masunod nga kontra.
Apang, isa pa gid sa mahimo nga matabo suno sa anay Senador amo ang showdown batok kay former lightweight champion Vasiliy Lomachenko.
Madumduman nga sa match ni Pacquiao kag Mayweather sang 2015, nagdaog si Mayweather via unanimous decision apang madamo sa mga fans wala nakumporme sa natabo nga bout.
