Manok nga pampaswerte ginbutang sa hood sang jeep nga nagabyahe

Kun iban nga manok makit-an sa bulangan, may yara man sa ibabaw sang nagabyahe nga salakyan.

Ginkakibot sang mga tawo sang makit-an ang isa ka manok nga yara sa hood sang nagabyahe nga jeep sa bahin sang EDSA sa Pasay.

Suno sa drayber ginbilin sang iya iloy ang manok sa iya kag nagserbe ini nga kaangay nga pampaswerte niya.

Apang ginpakakas ini sang Special Action and Intelligence Committee for Transportation (SAICT).

Gin-ticketan man ang lalaki indi bangod sa manok apang sa pagbayolar sini sa roadworthiness check.

Natukiban nga pudpod ang reserba nga goma sang iya jeep kag guba na ang iya brake lights.

Sa pihak sini, bisan na-delay ang byahe sang mga pasahero, ila ini naintindihan nga para sa man sa ila ikaayo ang roadworthiness operation.