Masobra 200 ka mga seafarers nga stranded sa karon sa Metro Manila ang natalana nga magpauli sa Negros Occidental sa masunod nga semana.
Sa press conference kahapon, ginpahayag ni provincial incident management team commander Jonathan Lobaton nga magapakig-angot sila sa Philippine Coast Guard kag sa pila pa ka mga government agencies angut diri bangud may mga nagaokupar pa sang gintalana nga quarantine areas sang probinsya.
Suno kay Lobaton, may yara sang duha ka mga batch sang seafarers nga magaabot sa masunod nga semana.
Ini ang ginalakipan sang 58 ka mga Bacolodnons kag 44 ka mga Negrense nga lunsay may yara man sang certficate to travel nagikan sa National Inter-Agency Task Force.
Samtang, gina-inquire pa ni Provincial Disaster Risk Reduction and Management Officer Dr. Zeaphard Gerhart Caelian sa Regional Inter-Agency Task Force (IATF) kag ginkompirmar man sang Regional IATF Director Bobby Nuñez nga bag-o lamang ini nakakuha sang impormasyon nga may yara sang magaabot nga seafarers.
Bangud sini, kinahanglan sang mga ini nga ivalidate kun final na ang arrival bangud may yara sang mga protocol nga dapat sundon sa Region 6.
Wala man nagabalibad sa pagpauli sang mga ini ang Humanitarian and Response Cluster nga nagatumod sang numero sang mga repatriates ukon returnee santo sa availabe nga pasilidad kag santo man sa mamanage sang pasilidad agud malikawan nga maoverwhelm ang probinsya kag magabalik sa puno kun magdamo naman ang infected.
Suno kay Caelian, kinahanglan man nga siguruhon nga ang pasilidad ang handa agud mangin quarantine facilities.
Kaangot sini, ginpahayag man sang Assistant Provincial Health Officer sang Negros Occidental nga si Dr. Jessica Fama nga nag-hire ang PHO sang dugang nga mga nurses agud magbulig facilitate sa mga quarantine areas sang mga Negrense.
