Ikaw bala mahilig man sa extreme sports?
Masarangan mo ayhan maglumpat sa masobra 600 meters nga taytay nga wala sang higot kag sal-on lamang sang net sa idalom?
Suspendido ang ginbutang nga bungee jumping activity sa pinakamataas nga road bridge sa bug-os nga kalibutan bangod wala sang higot nga ibutang sa tawo nga luyag maglumpat.
Ginkilala nga world’s highest road bridge ang Huajiang Grand Canyon Bridge sa China nga sa karun nangin controversial attraction bangod sa challenge nga paglumpat sa taytay nga wala sang higot kag magtupa sa ginbutang nga net agud malikawan nga madagdag ang tawo sa Beipan River sa kataason nga 2,051 feet ukon masobra 625 meters.
Nagviral ang video sa ginhimo nga safety testing kun sa diin may gindagdag nga sako sang balas ang staff agud matest ang net.
Naka-schedule kuntani ini nga magbukas sa masunod nga semana, apang madamo sang nagkwestyon sa safety kaangay sa posibilidad nga indi masalo sang net ang tawo ukon maguba ang net bangod sa kabug-aton sang tawo.
Bangod sini ginsuspend ang inagurasyon sang ropeless bungee jumping installation.
