Kabug-usan nga 2,200,731 ka pamilya ukon 8,630,663 ka mga persona ang naapektuhan sang Bagyo Kristine kag Leon suno sa National Disaster Risk Reduction and Management Council.
Suno sa NDRRMC, nagdangat sa 12,053 ka mga barangay ang apektado nga populasyon.
Kabug-usan nga 227,133 ka mga persona ukon 56,396 ka pamilya ang nagtinir sa 1,467 ka mga evacuation centers samtang 521,858 ka mga persona ukon 108,941 ka pamilya ang nagtinir sagwa sang evacuation centers.
Ang death toll ang nagapabilin sa 146 kun sa diin 126 ang for validation sa gihapon.
Samtang, 130 ang pilason kun sa diin 120 ang padayon pa nga ginavalidate.
20 ka mga persona ang nagpabilin nga missing.
Si Kristine kag Leon ang nag-apekto sa 858 ka mga road sections kag 110 ka mga taytay.
Sa 367 ka mga ciudad kag munisipalidad nga nadulaan sang kuryente, 323 na ang nakabalik ang power supply.
