Opisyal na nga ginpermahan sang Bacolod City government ang contract of lease para sa duta nga tukoran sang Waste to Energy (WtE) project sang Forza Development Corporation.
Suno kay Bacolod City Mayor Greg Gasataya, sa idalom sang kontrata ang ciudad magaparenta sang 10 ka ektraya sang duta malapit sa Sanitary Landfill sa barangay Felisa samtang ang korporasyon naman ang mapondo para sa pagpatindog sang pasilidad.
Suno diri, wala sang gastohon ang ciudad para sa proyekto kag ginalauman nga makahatag ini sang dugang nga income para sa Bacolod.
Ang kontrata valid sa sulod sang 25 ka tuig kag ang renta nagabalor sang P1 million kada tuig apang mahimo pa ini magbag-o.
Apang, gin-athag sini nga sa karun wala pa ang Waste to Energy project pero narentahan na ang duta bangod dapat pa ini maglabay sa proseso sa Department of energy.
Pahayag sini, madugay na nga yara lang ang basura kag maayo nga magamit ini para makagenerate sang energy.
