Nagpatigayon sang medical mission ang Bacolod City Government Center kaupod ang Bacolod City Health Office para sa ikaduha ka tuig nga anibersaryo sang Bacolod Comprehensive Health Program (BacCHP) kahapon sang aga,.
Sa interview sang Bombo Radyo Bacolod kay Engineer May Cuaycong, Focal Person sang Bacolod Comprehensive Health Program (BacCHP), nagdangat na sa 18,000 ka mga pasyente ang natigayon nga makabenepisyo sa Bacolod Comprehensive Health Program (BacCHP) halin sang May 2023 samtang sa karun nagdangat naman sa 300,000 ang miyembro sang nasambit nga programa.
Ginreiterate ni Cuaycong nga sa kada household isa lamang ang mahimo mangin miyembro sang BACCHP.
Suno diri, mahimo man maka-avail sang BACCHP ang isa ka persona kun ini ang nagaedad sang 23 anyos kag may yara sang PHILHEALTH.
Ang naaprubahan nga budget para sa BACCHP sa 2025 ang nagdangat sa P137 Million sa local fund apang may yara man sang ginakuhaan nga national budget nga ginautilize kaangay sang AICS.
Sa kada bulan ang BACCHP ang nagapagwa sang P18 to P20 million agud nga maghatag sang bulig sa tanan nga mga Bacolodnon nga admitted sa mga hospital sa Bacolod City.
Sa 10 day ban naman bangud sa nagahilapit nga election padayon ang paghatag sang serbisyo apang ang payment ihold lang anay kag tanan nga mga hospital ang nagpasugot naman.
