Patay ang menor de edad nga back rider sa motorsiklo bangud sa aksidente nga nagluntad sa National Highway, Barangay Salvacion, Murcia, Negros Occidental kagab-i, December 1.
Suno sa police report ang Vehicle 2 nga Honda Wave 110cc, nga may plate number 200FCY, nga ginamaneho ni Alias “Allen”, 19 anyos, single, kag may back-rider nga isa ka 15 anyos ang lunsay mga residente sang Hacienda Dela Rama, Barangay Abu-abo, Murcia, Negros Occidental ang nagabiyahe halin sa Murcia proper padulong sa Barangay Abu-Abo apang sang pag-abot sa lugar sang insidente nag-overtake ini sa truck kag nabungguan ang Vehicle 1 nga Suzuki Raider 150cc, wala plate number, nga ginamaneho ni Alias “Loreto”, 24 years old, single kag residente sang Sitio Guinam-an, Barangay Buenavista, Murcia, Negros Occidental.
Bangud sa impact si Alias Loreto ang nakaangkon sang nagkalain-lain nga bahin sang lawas samtang si Alias Allen naman ang unconscious kag gindala ang mga ini sa Murcia Health Unit apang ang 15 anyos nga backrider ang gindeklarar nga dead on arrival.
Ginsaylo ang duha ka drivers sa Corazon Locsin Montelibano Memorial Regional Hospital para sa dugang nga pagbulong.
