Nakapauli na kahapon sa ila tagsa ka panimalay ang mga nag-evacuate sa banwa sang La Castellana kasunod sa liwat nga paglupok sang Bulkan Kanlaon.
Sa interview sang Bombo Radyo kay La Castellana Municipal Mayor Aniejo Nicor, padayon ang ila pagpatigayon sang flushing operation bangud tubtob sa karun, napuno sa gihapon sang abo ang ila nga lugar.
Nagpasalamat man ang alkalde sa mga ciudad nga nagpadala sang mga fire truck kag nagpalab-ot sang bulig.
Suno diri, ang Barangay Robles kag Brgy Sag-ang ang tuman nga naapektuhan sang ashfall.
Panugyan sini sa mga pumuluyo nga magsuksok gid sang facemask kag indi maggwa sa balay kun indi man gid kinahanglanon kag mangin alerto bangud ang otoridad ang preparado sa paghatag sang abiso.
Dugang pa, ginahulat nalang nila ang abiso sang phivolcs kag sang Offifce of the Civil Defense kun mahimo naba nga mabalik ang klase sa ila lugar sa Lunes nga adlaw.
