Mga napatay bangod sa bayolente nga protest-rally sa Nepal, nagdangat na sa 51

Ginkumpirmar sang local authorities sa Nepal sang Biyernes nga nagdangat na sa 51 ang numero sang nagkalamatay bangud sa bayolente nga protesta sa nasambit nga pungsod.

Nalakip sa mga nagkalamatay ang 21 ka mga protesters sang Lunes sa tunga sang crackdown sang kapulisan sa mga ginapatigayon nga demonstrasyon batok sa pagdumili sang gobyerno sa social media, corruption kag indi maayo nga pagdumala.

Ginkumpirmar ni Police spokesman Binod Ghimire nga tatlo ka pulis ang nagkalamatay.

Nalakip man sa mga nagkalamatay ang pila ka mga preso sa tunga ukon pagkatapos nila magbiya nagikan sa pagpakigbato sa Nepali security forces.

Pila ka pugante naman ang nagtuyo nga magpalagyo sa India apang nadakpan sang mga Indian forces nga yara sa border.