Ginhalaran sang pagkilala sang Armed Forces of the Philippines (AFP) ang mga personnel nga napatay sa paghugpaas sang helicopter samtang nagapatigayon sang relief operations sa northern Mindanao kadungan sang paglaslas sang Bagyo TINO.
Suno sa AFP, ang Super Huey helicopter ang padulong sa Butuan City agud magdeliver sang bulig, apang ini ang naghugpaas kun sa diin napatay ang anom nga on board.
Kalakip sa napatay ang duha ka piloto kag apat ka crew members.
Suno kay AFP Public Affairs Office chief Col. Xerxes Trinidad, ang mga napatay nga airmen ang simbolo sang “highest ideals of service beyond self.”
Pahayag ni Trinidad nga ila ginakilala ang dedikasyon, skills, kag kaisog sang mga airmen, nga ang sakripisyo ang nagaserbe pahanumdom sa risgo nga ginapangatubang sang mga nagaserbe sang misyon agud mahatagan sang bulig ang mga kaangay nga Pilipino nga yara sa kalamidad.
Nagpalab-ot man sang pagpakig-unong ang AFP sa nabilin nga pamilya sang mga personnel.
Panindugan sini nga nagapabilin ang AFP sa pagsuporta sa ongoing relief efforts kag nagatindog kaupod sa pamilya sang mga biktima.
