Ginpunto ni principal counsel of the Office of the Public Counsel for Victims Atty Paolina Massidda nga wala sang tikang nga ginhimo si former President Rodrigo Duterte agud mapunggan ukon mapinahan ang mga tawo nga responsable sa pagpamatay sa iya drug war campaign.
Ginhighlight man sini ang importansya sang confirmation of charges hearing para sa mga nangin biktima sang war on drugs sang anay presidente.
Ginlaragway ni Massida kun paano ginbalewala sang otoridad ang panawagan sang mga pamilya sang war on drugs ni former President Rodrigo Duterte nga nagasinggitan sang hustisya.
Ginpamatukan man ni Massida ang release plea ni former President Rodrigo Duterte sa ikaduha nga adlaw sang confirmation of charges hearing angot sa kaso sini nga crimes against humanity.
Suno kay Massidda, ang anti-drug campaign sang Duterte administration ang wala nagatuyo nga mauntat ang baklanay kag baligyaanay sang iligal nga droga kundi pag-atake sa mga pigado nga kumonidad.
Ginpaathag man sang principal counsel nga ang paggamit sang shabu sa mga low-income nga lugar ang masami nga nagaserbe nga coping mechanism lang sang mga residente bangud sa kakulangan sang mental health services, husto nga edukasyon, kag ubra.
Ginasuportahan man ni Massida ang kaso nga crimes against humanity batok kay anay President Rodrigo Duterte.
Suno diri, ang gin-presenter nga ebidensya ang importante agud mapamatud-an ang mga alegasyon sang extrajudicial killings kag sistematiko nga paglapas sa kinamatarong sang tawo.
Dugang pa sini nga ginapresentar sang mga ini ang mga pamilya nga indi makakadto sa ICC, mga iloy nga naglubong sang ila mga anak nga lalaki, mga kabataan nga nadulaan sang ginikanan, mga asawa nga subong nagaisahanon sa pagpadako sang ila pamilya, kag mga komunidad nga sa sulod sang pila ka tuig nagkabuhi sang may kahadlok bangud natabo ang kaangay nga buluhaton.
