Subong nga panahon moderno na ang tanan kun sa diin may pila na ka mga pungsod ang nagagamit sang mga robots sang mangin guard, food servants kag iban pa.
Sang Agosto 8, ginpahayag ni Zhang Qifeng, CEO sang robotics startup nga Kaiwa Technology, nga malapit na nga matapos ang ila nga “humanoid pregnancy robot”.
Ang robot ang may yara sang isa ka advanced nga “incubation pod” ukon artipisyal nga taguangkan nga nakabutang sa tiyan sini.
Suno kay Zhang, masarangan sang robot nga magdala sang napulo ka bulan kag magbun-ag sang lapsag kaangay sang isa ka matuod nga tawo.
Sa artipisyal nga taguangkan, ang embryo ang ginaatipan sa amniotic fluid kag hatagan sang sustansya paagi sa isa ka tubo nga konektado sa pusod.
Ginpahayag ni Zhang nga madinalag-on na ang teknolohiya sa mga pagtuon sa sapat kag ginalauman nga igalunsyar ang robot sa sulod sang isa ka tuig.
Ang balita ang madasig nga naglapta sa social media kag nakakuha sang nagkalain-lain nga reaksiyon.
Gintawag ini sang mga kritiko nga “indi natural” bangud ginakakas sini ang koneksiyon sang isa ka lapsag sa iya matuod nga iloy.
Samtang may yara naman sang nagsuporta.
