Pabor ang pinuno sang 303 Infantry Brigade sa pagdonate sang portion sang sweldo sa bulan sang Mayo agud ibulig sa COVID-19 response efforts.
Sa interview sang Bombo Radayo Bacolod kay Col. Inocencio Pasaporte, ginpahayag sini nga may yara man sang computation nga ginhatag agud mahibaluan kun pila ang mabuhin sa basic pay ilabi na sa mga high ranking officials.
Suno kay Pasaporte, ang ideduct sa private tubtob sa master sergeant ang P100 kag sa colonel naman, indi ini magnubo sa P3000.
Nahibaluan nga ini nga tikang ang ginpatuman bilang sabat sa panawagan ni Presidente Rodrigo Duterte nga indi makaigo ang pondo nga ginpain para sa COVID-19 response.
Nahibaluan man nga magadonate si AFP chief Gen. Felimon Santos, Jr. sang ₱10,484.
Ginalauman sang mga militar nga makatipon sila sang kapin ₱16.9 million.
Ginpahayag man ni Pasaporte nga himuon man sang tropa ang tanan agud malikawan nga madugangan ang nainfect sang nasambit nga balatian.
