Indi magsobra sa apat ang person of interest nga gina-imbestigaran sang Sipalay City Police Station sa nagpatay sa empleyado sang Department of Agrarian Reform (DAR) sa Purok Sandia, Barangay Mambaroto, Sipalay City, Negros Occidental, sang Hulyo 8.
Ang biktima ang ginkilala nga si Andre Marie Pajarillo, 57 anyos kag anay Punong Barangay sang Barangay East Proper, Candoni, Negros Occidental.
Madumduman nga nagamaneho si Pajarillo sang motorisklo sang ginsundan ini sang riding in tandem suspects nga lunsay nakajacket kag helmet.
Hinali lang nga gintiro si Pajarillo sang naga-angkas kag ini ang nag-angkon sang duha ka igo sa ulo nga gintunaan sang iya kamatayon.
Sa interview sang Bombo Radyo Bacolod kay Police Lt Col. Fernando Somblingo Jr., hepe sang Sipalay City Police Station, ginalantaw nga motibo amo ang personal grudge nga posible may kaangtanan sa trabaho sini.
Suno diri, ila pa ginatsekyar ang available nga CCTV footages sa area kag ginapatigayon man ang backtracking sa natabo.
May yara naman sila sang tubtob sa apat ka mga person of interest nga ginabantayan.
