Antes paman ang alas-7:00 sang kaagahon, nagtipon na ang mga drivers kag operators sang unconsolidated traditional jeepneys kasubong man mga drivers kag operators sang mga nagsulod sa Public Utility Vehicle Modernization Program, apang nagapati nga ini ang madamo sang kapalpakan, kasubong man pila ka mga commuters.
Ang labing una nga State of the Transport Address (SOTA) ang ginpangunahan ni Kabakon Negros Transport Coalition Incorporated (KNETCO) President Lilian Sembrano nga lead convenor sa Western Visayas No to PUV Phaseout Coalition.
Ang programa ang ginpatigayon Nationwide antes paman ang State of the Nation Address (SONA) ni President Ferdinand ‘Bongbong’ Marcos Jr.
Suno kay Sembrano, sila na lamang ang nagpatigayon sang State of the Transport Address ilabi na nga wala gid matalakay ang sitwasyon sang sektor sang transportasyon sa naglabay nga State of the City Address (SOCA) ni Bacolod City Mayor Alfredo ‘Albee’ Benitez kag State of the District Address (SODA) ni Congressman Greg Gasataya.
Sila ang nagapanawagan nga mabalik ang 5-year franchise sang mga traditional jeepneys.
Suno diri may ginpagwa na nga Board Resolution No. 053 ang Department of Transportation (DOTr) kag Land Transportation Franchising and Regulatory Board (LTFRB) kun sa diin nagahatag sang extension sa application sang consolidation para sa bag-o nga routa.
Luyag nila nga makadialogo kay Benitez agud madiskusyunan ang madalaganan nga routa.
