Nakapili na sang lokasyon kag petsa ang duha ka boksingero nga sanday Mike Tyson kag Floyd Mayweather Jr. para sa ila nga exhibition bout.
Nag-ugyon na ang duha ka partido kun diin nila pagahiwaton ang ila nga exhibition match apang wala pa sila naghatag sang detalye tuhoy diri.
Ang pinakaulihi nga match sang 59-anyos nga si “Iron” Mike Tyson ang batok kay Jake Paul nga ginlive-stream sa Netflix sang tinalikdan nga Nobyembre 15, 2024, apang nalutos si Tyson sa walo ka round pinaagi sa unanimous decision.
Samtang, ulihi nga nakontra sang 48-anyos nga si Floyd “Money” Mayweather, amo si John Gotti III sang Agosto 24, 2024.
Ang exhibition bout ni Mayweather batok kay Tyson ang ikawalo na niya nga exhibition match humalin pa sang magretiro ini nga wala pa sang kapierdehan matapos nga malutos ang MMA star nga si Conor McGregor sang Agosto 2017.
Una na nga gin-anunsyo ang match sang tinalikdan nga Setyembre 2025 apang wala pa sang detalye tuhoy diri.
Pahayag naman ni Tyson, apisar nagahipos lang ini, madayon gid ang exhibition match bangud indi niya palampason ang pagpanghangkat ni Mayweather sa iya.
