Patigayunon sa gihapon sa Thailand ang 74th Miss Universe sa Nobyembre 21, sa pihak sang pagtaliwan ni Queen Mother Sirikit.
Si Queen Mother Sirikit amo ang iloy sang nagapungko nga hari sa karun sang Thailand nga si King Maha Vajiralongkorn ukon si King Rama X.
Sa social media announcement sang executive director sang Miss Universe Organization (MUO) nga si Nawat Itsaragrisil, pareho sa gihapon ang schedule sang aktibidades para sa Miss Universe pageant.
Yara na sa tunga-tunga ang preparasyon para sa kompetisyon kag bisan ang pila ka mga kandidato halin sa iban nga pungsod ang nag-abot na sa Thailand.
May magagmay nga mga pagbag-o sa mga aktibidad kag format sang pageant agud ma-akomodar ang tion sang pagpangasubo sang Thailand.
Suno sa Miss Grand International Public Company Limited, ang organizer sang Miss Universe 2025, sundon sang mga ini ang guidelines kag rekomendasyon nga ginhatag sang gobyerno sang Thailand.
Samtang, nakapatigayon naman sang send-off ceremony para sa pambato sang Pilipinas nga si Miss Universe Philippines Ahtisa Manalo.
