Mahimo makalaton paagi sa kagat sang insekto kaangay sang lamok ang monkey pox ukon MPox.
Sa interview sang Bombo Radyo Bacolod kay Dr. Vicente Iturriaga, ang nasambit nga balatian ang naghalin sa sapat nga naglaton sa tawo.
Suno kay Iturriaga, mahimo man malaton paagi sa insekto kaangay sang lamok kun ini ang nakakagat na sa infected kag nagkagat man sa isa ka persona.
Suno diri ang incubation period sang virus ang nagdangat sa 21 day.
Ang mga sintomas sini amo ang hilanat, nagabanog nga lymph nodes kag rashes.
Makalaton ini paagi sa close contact sa infected person, face to face kag sexual contact.
Mahimo man makalaton paagi sa beddings kag towel.
Nagpanugyan si Iturriaga nga likawan anay ang direct contact, ang pagkamustahanay, kag magpractice sang maayo nga hygiene agud nga malikawan nga malatnan sang nasambit nga balatian.
Ang virus sang nasambit nga balatian ang magatinir sa lawas sang tawo sa sulod sang duha ka semana.
Sa karun wala man sang vaccination para sa monkeypox.
Dugang nga panugyan sang doctor nga pabakuron ang immune system kag likawan ang stress agud nga indi madasig nga malatnan sang balatian.
