Ginpahayag sang obispo sang Diocese of San Carlos nga naga-anggid ang ginahimo ni Cardinal Luis Antonio Tagle sa ginhimo man ni Pope Francis.
Sa interview sang Bombo Radyo Bacolod kay Most Rev Fr. Gerardo Alminaza, kun sin-o man ang gina-atubang sang Santo Papa kag gina-esturya kaangay nga mabatyagan nga wala na sang iban pa tawo sa kalibutan bangod ginabubo sini ang iya atensyon sa kun sin-o man ang yara sa atubang sini.
Suno diri, ginahimo gid ni Pope Francis kun ano man ang iya ginahambal kag may yara na ini sang ginahimo antes pa man sini ihambal sa iban.
Nangin inspirasyon man ang Santo Papa sa commitment sini sa pag-amlig sa kalibutan kag bisan nga yara man ini sa ospital wala nag-untat si Pope Francis sa pagtrabaho tubtob sa iya masarangan kun sa diin nagatawag pa ini kun kaisa sa pari sa Gaza kag mamangkot kun ano ang ila kahimtangan sa nagakatabo nga giyera.
Pahayag ni Alminaza, ang ginahimo ni Cardinal Tagle ang na-anggid sa ginahimo man ni Pope Francis.
Pamilyar na si Tagle sa Santo Papa bangud sa kolaborasyon sang duha kag kilala na si Tagle sa pagrepresent sini sa Santo Papa sa pila na ka kahigayunan.
