Patay ang driver sang motorsiklo matapos nalapakan sang hauler truck nga may karga nga tubo kasunod sang pagbunggo sini sa nagaparada nga tricycle sa bahin sang National Highway of Purok San Jose Barangay Calumangan, Bago City, Negros Occidental alas 6:50 ang takna sang gab-i, Pebrero 19, 2026.
Santo sa imbestigasyon, ang tricycle nga ginamaneho ni alyas Rod, 46 anyos kag residente sang Purok Sunflower, Barangay Calumangan, Negros Occidental ang nagabiyahe halin sa Bago City proper padulong sa Barangay Calumangan.
Pag-abot sa lugar sang insidente nagdulog ang tricycle kun sa diin aksidente nga ginbungguan sang motorsiklo.
Bangud sa mabaskog nga impact naglabog ini sa sementado nga dalan kag nakaagom sang madamo nga samad.
Nalapakan sang hauler truck nga may karga nga tubo nga ginamaneho ni Alias Mar, 53 anyos, kasado kag residente sang Barangay Deliciouso, Ilog, Negros Occidental.
Gindala pa ang biktima sa Bago City Hospital apang gindeklarar nga dead on arrival.
Ang tatlo ka mga salakyan nga imbulbado sa aksidente kalakip na ang mga drivers sang tricycle kag hauler truck sa Bago City Police Station para sa nagakaigo nga disposition.
Ang motorsiklo ang may damage sa atubang sini samtang ang tricycle ang may damage sa likod sini.
