P230,000 nga immediate financial assistance nagikan sa gobyerno sang Pilipinas ang nabaton sang mga crew sang MV Tutor nga gin-atake sang Houthi sa Red Sea sang Hunyo 12.
Suno sa Department of Migrant Workers, ang financial assistance ang ginalakipan sang P150,000 nagikan sa House of Representatives Office of the Speaker; P50,000 nagikan sa Department of Migrant Workers; P10,000 nagikan sa Overseas Workers Welfare Administration; kag P20,000 nagikan sa Department of Social Welfare and Development.
Antes sila nagpauli, ang mga seafarers ang ginhatagan sang 192 Bahraini dinars (equivalent sa P30,000).
Ang Greek-owned nga MV Tutor, isa ka coal carrier, ang ginpalukpan sang Houthi sang missile kag explosive-laden remote-controlled boat sang Hunyo 12 gani nabuslot ang kilid sini kag nasudlan sang tubig ang engine room.
21 nagikan sa 22 ka Filipino seafarers nga sakay sa MV Tutor ang narescue kag hilway sila nga nakabalik sa Pilipinas sang Hunyo 17.
Si 2nd Engineer Nixon Asejo ang missing bangud natabuan nga yara ini sa engine room sang naglupok ang explosive-laden remote-controlled boat sa kilid sang barko.
