Malipayon nga ginreport sang spokesperson sang Negros Electric and Power Corp. (NEPC) nga ‘Fully energized na ang Alijis Substation kag sa karun 100 percent na nga nabalik ang kuryente sang kapin 47 mil nga mga kunsomidor nga naapektuhan.
Sa interview sang Bombo Radyo kay Jonathan Cabrera, spokesperson sang Negros Electric and Power Corp. (NEPC), nabalik na ang kuryente paagi sa Ten MegaVolt Amperes (10MVA) nga mobile substation nga ginbyahe pa gikan sa Iloilo padulong diri sa ciudad sang Bacolod.
Kahapon sang alas-9:53 sang aga, natigayon nga nabalik ang supply sang kuryente.
Suno diri, wala na sang may matabo nga rotational brownout, indi kaangay sang tinalikdan nga ginahatagan lamang sang tag-apat ka oras ang mga consumers para marotate ang paghatag sang supply.
Suno diri, kun may yara man matabo nga brown-out ini ang isolated na kaangay sang may kinahanglan lamang nga islan ukon kay-uhon nga mga linya sang kuryente.
Nakakas naman sa karun ang 13 anyos nga power transformer nga nagcollapse sang Miyerkules kag ini ang nabaylohan na sang bag-o.
Ang bag-o nga transformer ang may capacity nga 12 megawatts nga mas mataas kun ikumparar sa daan nga transformer nga may yara lamang sang 9.3 megawatts.
