Nagdangat na sa 1,520 ang narekord nga kaso sang dengue sa probinsya sang Negros Occidental humalin sang Enero tubtob Agosto 3, subong nga tuig.
Suno kay Negros Occidental Provincial Health Officer Dr. Girlie Pinongan, may anum na nga nagkalamatay bangod sa dengue.
Suno diri, nagsaka sa 75.32 percent ang kaso sang dengue subong nga tuig kun ikumpara sa nakaligad nga tuig nga may yara sang narekord nga 867 case kag walo ang napatay.
Kalabanan naman sa may mataas nga dengue case amo ang mga area sa sur nga bahin sang probinsya ilabi na sa ciudad sang Sipalay kag banwa sang Hinoba-an.
Sa karun gin-activate na ang Dengue Fast Lane sa mga hospital sa probinysa agud nga gilayon nga ma-accommodate ang mga pasyente.
Nagpanugyan man ini nga kun may makit-an nga sintomas gilayon nga magpatsekyar sa doktor.
Pahayag ni Pinongan nga ang kaso sang dengue sa karun ang indi pa makabig nga alarming bangod nga malayo pa ini sa threshold level.
