Nagdangat na sa 112 ang kaso sang mga nasamaran bangod sa palupok humalin sang Disyembre 21 tubtob Disyembre 28, 2025.
Suno sa Department of Health (DOH), mas manubo ini sang 26 porsyento kun ipaanggid sa kaangay nga petsa nakaligad nga tuig, gani ginakabig nga epektibo ang kampanya batok sa mga palupok.
Pinakadamo nga mga kaso ang nagikan sa National Capital Region, ginsundan sang Ilocos Region, Central Luzon kag Western Visayas.
Kalabanan sang mga biktima ang mga bata nga lalaki nga edad 5 tubtob 14 anyos nga masami nagagamit sang mga palupok kaangay sang Piccolo, pwitis kag 5-Star.
Luwas sa palupok, nakarekord man ang 376 ka aksidente sa dalan kag 190 ka kaso sang noncommunicable diseases kaangay sang stroke, heart attack kag asthma.
Suno sa DOH, ang mga lalaki ang mas masami naga nagaka-igo sang stroke kag heart attack, samtang mas madamo naman ang kaso sang asthma sa mga babayi.
Padayon ang panawagan sang DOH sa publiko nga maglikaw sa paggamit sang delikado nga palupok kag pili-on ang mas safety nga alternatibo agud malikawan ang mga inisidente sini nga bag-ong tuig.
