Nagdangat na sa 62 ang nakumpirma nga numero sang mga napatay sa paglugdang sang roll-on roll-off (RoRo) vessel nga MV Trisha Kerstin 3 sa Basilan sang Enero 26.
Ini matapos nga marekober sang Philippine Coast Guard (PCG) technical divers ang apat ka dugang nga mga bangkay sa ila nga underwater operations kahapon, Pebrero 17.
Magluwas diri, may 17 pa nga nagapabilin nga missing.
293 naman ang nauna na nga gin-anunsyo nga survivors.
Madumduman nga halin ang barko sa Port of Zamboanga City sang Enero 25 sang gab-i kag pakadto kuntani sa Jolo, Sulu apang naglugdang samtang yara ini sa kadagatan nga sakop sang Basilan sang Enero 26 sang kaagahon.
Una na nga ginpahayag sang Department of Transportation (DOTr) nga posible nga overloading ang rason sang trahedya.
