Wala kinahanglan nga mauntat ang pagpatigayon sang klase sang mga eskwelahan agud mahatagan sang ligwa ang pagpatigayon sang mga activities para sa pag-obserbar sang National Women’s Month santo sa Department Order nga gin-issue sang Department of Education.
Sa interview sang Bombo Radyo Bacolod kay Ian Arnold Arnaez, may yara sang pila ka mga programa ang Department of Education-Division of Negros Occidental para sa pag-obserbar sang National Women’s Month.
Suno kay Arnaez, ang mga activities nga nakabutang sa Department Order ang nakadepende na sa mga manunudlo kun paano nila ini patigayunon nga wala nagakaestorbo ang pagklase sa mga estudyante.
Suno diri, mahimo man nga indi na magpatigayon sang programa ang mga eskwelahan para sa National Womens Month, sabaylo mahimo lamang sila nga magpangtapik sang ila mga advocacy materials sa eskwelahan.
Ginpahayag man sini nga mahimo man ang mga manunudlo nga magpatigayon sang programa para sa obserbasyon sang National Women’s Month sa tion sang Alas 4:30 tubtob alas 5:00 ang takna sa hapon bangud wala na ini sang klase.
