Ginpahayag ni NBI spokesperson Palmer Mallari wala pa nakabaton sang update ang National Bureau of Investigation (NBI) sa request sini para sa Interpol red notice batok kay former congressman Zaldy Co, nga akusado sa involvement sa multi-billion-peso corruption nga na-angut sa flood control projects.
Una na nga ginpahayag sang Department of the Interior and Local Government (DILG) nga sigurado sila nga yara si Co sa isa ka gated community sa Lisbon, Portugal, apang ginsiling sini nga mabudlay ang pag-access sa lugar.
Gin-anunsyar sang Disyembre sa Department of Foreign Affairs ang cancellation sang Philippine passport ni Co, apang ginpahayag ni Interior Secretary Jonvic Remulla nga lakip sa mga pagpanghangkat sa pag-aresto kay Co amo ang kakulang sang extradition treaty sa tunga sang Pilipinas kag Portugal, kag si Co ang nagauyat sang Portuguese passport.
