Kumpormi ang grupo sang mga negosyante sa pahayag ni President Ferdinand ‘Bongbong’ Marcos Jr. sa State of the Nation Address (SONA) nga ang economic growth sang Pilipinas ang dapat naka-angkla sa investment.
Sa interview sang Bombo Radyo Bacolod kay MBCCI Chief Executive Officer Frank Carbon, ang gobyerno ang dapat magsulod sa mga kontrata nga makatuga sang investments gikan sa government agencies, private sector ukon public-private partnership kag foreign investors.
Ini ang dapat nakasentro man sa patag sang agrikultura ukon food security, utilities kaangay sang power, water kag connectivity kasubong man sa digital transformation.
Kasunod sini ang Health kag Education.
Dugang pa ni Carbon nga dapat long term ang mga plano ukon 10 years tubtob 30 years plan.
Ginapakamaayo sini sang ginpahayag ni Marcos nga aware ini kag ang mga ahensya sang gobyerno sa sitwasyon sang pungsod kag problema sang kadam-an nga sektor.
Ini bangod mabudlay kun ang Presidente ang indi makakita sa kabudlayan sang iya mga nasakupan.
