Nagapati ang isa ka negosyante sa ciudad sang Bacolod nga indi man mahimo sang mga Overseas Filipino Workers ang indi pagpadala sa Pilipinas.
Sa interview sang Bombo Radyo Bacolod kay Frank Carbon, Chief Executive Officer sang Metro Bacolod Chamber of Commerce and Industry (MBCCI), ang mga OFWs ang wala nagapaminsar sang gobyerno kundi ang pamilya gani indi sang mga ini mahimo nga indi magpadala sang remittance.
Suno kay Carbon, pipila lamang ang magtuman sang Zero Remittance Week bilang tikang agud nga makapauli na si Former President Rodrigo Duterte sa Pilipinas nagikan sa Scheveningen Prison sa The Hague, Netherlands.
Suno diri, mas unahon sang mga OFW ang ila pamilya sangsa nagakatabo sa gobyerno kasubong man sa mga politiko.
Suno diri, ang OFW remittance man ang nagabuhi sang ekonomiya sang Pilipinas bangud ang remittance ang ginabakal sang mga pamilya sang OFWs sa Pilipinas.
