Napaidalom na sa Tropical Cyclone Wind Signal no. 1 ang Negros Island Region bangod sa epekto sang Bagyo BASYANG.
0Ang Bagyo ang naghuyag na sa Tropical Depression alas-8:00 kaina sang aga, kag wala naman sang mga lugar nga napaidalom sa Storm Signal No 2.
Ang sentro sang Bagyo ang ulihi nga nasiplatan sa vicinity sang Bilar, Bohol.
Dala sini ang kabaskugon sang hangin nga nagadangat sa 55 km/h kag pagmadlos nga tubtob 75 km/h.
Ang Bagyo ang nagahulag padulong sa West Northwestward nga dereksyon sa kadasigon nga 20 km/h.
Yari ang mga lugar nga ginpaidalom sa Tropical Cyclone Wind Signals
SIGNAL NO 1
LUZON
-Southern portion sang Occidental Mindoro
-Southern portion sang Oriental Mindoro
-Romblon
-Northern portion sang Palawan kalakip ang Calamian, Cuyo, kag Cagayancillo Islands, kag
-Southern portion sang Masbate
VISAYAS
-Negros Occidental
-Negros Oriental
-Siquijor
-Southern portion sang Eastern Samar
-Southern portion sang Samar
-Guimaras
-Iloilo
-Capiz
-Aklan, kag
-Antique kalakip ang Caluya Islands
-Biliran
-Bohol
-Cebu
-Leyte, kag
-Southern Leyte
MINDANAO
-Dinagat Islands
-Surigao del Norte
-Agusan del Norte
-Misamis Oriental
-Misamis Occidental
-Camiguin, kag
-Zamboanga del Norte
Ang Bagyo Basyang ang naglandfall na sa Bohol, kag ginalauman nga magahulag generally sa west northwestward.
Ginalauman na nga ini ang liwat magalandfall sa Southern portions sang Cebu kag Negros Oriental.
Ini ang suno nga magalabay malapit sa Southern portion sang Panay Island.
Ginalauman nga magapabilin sa tropical depression ang Bagyo sa pagtabok sini sa Central Visayas kag Negros Island Region, antes maghuyang bwas sa low pressure area.
Sa interview sang Bombo Radyo Bacolod kay Melvin Fierro, weather observer sang Negros Occidental Operations Center, balantayan na lamang kun magbaskog ang ulan halin ala-1:00 sang hapon tubtob alas-7:00 sa gab-i kadungan sang ta-ob ukon hightide.
Lauman man nga tubtob pa bwas ang mabatyagan nga mga pag-ulan bangod malapad ang rain bond sang Bagyo.
Ginapakamaayo na lamang sini nga amat-amat nga nagakatunaw ang mga cloud clusters nga dala sang rain bonds sang Tropical Depression Basyang.
