BACOLOD CITY – Gin-relieve sa posisyon si Negros Occidental Police Provincial Office (NOCPPO) Director Police Senior Supt. William Señoron kag anom ka iban pa nga opisyal kag katapo sang kapulisan sa probinsiya.
Sa mandu nga gin-issue sang Campo Crame subong nga adlaw, temporaryo gina-assign sa Regional Police Holding and Accounting Unit (RPHAU) sang Police Regional Office (PRO) 18 si Señoron upod sanday Police Supt. Edel Manzano, Police Supt. Placido Gentoleo, Police Supt. Antonietto Cañete kag Police Chief Insp. Edison Garcia.
Gina-assign naman sa NOCPPO si Police Chief Insp. Rocky Desear samtang sa Regional Public Safety Battalion (RPSB) 18 si Police Officer 1 Eric Alcosaba.
Si Police Senior Supt. Rolando Miranda nga sa karon Acting Chief Directorial Staff sang PRO-18 ang magapungko nga officer-in-charge sa NOCPPO tubtob nga wala pa sang may madesignar ang Campo Crame nga magabulos kay Señoron.
Sang damlag lang, nalakip si Señoron kag iban pa nga kapulisan sa probinsiya sa supplemental affidavit ni Ricky Serenio, ang bagman sang Berya Drug Group, nga ginpasuni nagabaton sang semanal kag bulanan nga drug payola.
