Naclaim na ang pito tanan ka bangkay sang mga miyembro sang New People’s Army nga napatay sa engkwentro sa Brgy Tapi, ciudad sang Kabankalan, sang Dominggo.
Sa interview sang Bombo Radyo Bacolod kay Brig. Gen. Joey Escanillas, commander sang 302nd Infantry Brigade sang Philippine Army, una nga naclaim sanday Charity Amacan, alias ” Cha/Leah”, isa ka Squad leader kag anay secretary sang South East Front, Reniel Locsin Cello, alias “Kumpol/Adie”, isa ka squad leader; kag si Mary Jane Magquilat, alias” Shonie/Chinchin/Shedi”, vice squad leader kag asawa ni alyas Kumpol.
Sunod nga adlaw naclaim man ang mag-asawa nga sanday Jhonrey Mejares, alias “Jai/JR”, political instructor ukon political guide kag Glendel Tinio Mejares, alias “Ayin”, isa ka medical officer.
Samtang, subong nga adlaw naclaim ang nabilin na lang nga bangkay nga iya ni alias “Pitong” nga isa ka medical officer.
Suno kay Escanillas, gintinguhaan sang units nga pangitaon ang pamilya ni Pitong.
Suno diri, nakit-an ang pamilya sini sa brgy Camalandaan, banwa sang Cauayan.
Nahibaluan nga ang matuod nga identity ni Pitong amo si Joselito Gimarangan.
Nangayo sang bulig ang pamilya nga madala sila sa bangkay ni Gimarangan.
