Ginkondenar sang National Union of Journalists of the Philippines (NUJP) ang pagpatay sa radio broadcaster sa Dumaguete City, Negros Oriental, Huwebes sang aga.
Sa interview sang Bombo Radyo Bacolod kay NUJP Chairman Jose Jaime Espina, ginkondenar sini ang pagpatay sa broadcaster nga si Dindo Generoso labi na nga retirado nga pulis pa ang nag-ubra sang krimen.
Suno kay Espina, masubo mahibaluan nga kun sin-o ang dapat nga tagapatuman sang layi, amu pa mismo ang kriminal.// Aminado ang Chairman nga indi ini ang una nga insidente sa Dumaguete bangud may yara man sang kaangay nga natabo sa isa ka radio broadcaster.
Gindugang man ni Espina nga ini na ang ika-14 nga natabo sugod sang administrasyon ni Duterte.
Gindayaw man ni Espina ang Negros Oriental PNP tungod sa ila madasig nga paghibalo kag pagdakop sa mga suspetsado.
Nagalaum man si Espina nga matumod sang mga pulis ang mastermind sa likod sang pagpatay bangud nagapati ini nga may nagsugo sa mga suspetsado nga himuon ang krimen.
