Padayon nga nagadamo ang gakasapwan nga patay bangud sa winter storm sa Estados Unidos.
Sa interview sang Bombo Radyo kay Noor Moraña, Bombo International News Correspondent sa Houston Texas, kalabanan sa mga gakasapwan nga patay ang wala sang mga balay kag nagatulog nalang sa idalom sang taytay.
Nahibaluan nga nagdangat na sa masobra 40 ka mga tawo ang napatay sa Estados Unidos, ini kag kapin 800,000 ang nadulaan sang kuryente bangod sa mabaskog nga winter storm.
Linibo man ka flights ang ginkanselar samtang ang estado sang Texas padulong sa Maine ang naga-eksperyensya sang madamol nga snow, ice kag mabugnaw nga temperatura.
Suno kay Moraña, ang iban man nga nagkalapatay sa sulod sang ila nga salakyan bangud sa carbon monoxide poisoning ila ginabuksan sa makina agud magpainit.
Pahayag sini nga ila nga gobyerno ang nagapanawagan man sa publiko nga magbinuligay kag tsekyaro ang kada-isa nga katupad balay sang ila nga kahimtangan, ilabi na ang mga senior citizen kag mga wala sang puloy-an. Dugang pa, ang mga pumuluyo sa nasambit nga lugar ang nagapreparar naman bangud may ara sang palaabuton nga Low Pressure Area (LPA) sa masunod nga semana.
